Առաջին բուժօգնություն արտակարգ իրավիճակներում – Երևան

Ուշադրություն՝ – Մայիսի 1-ը ոչ աշխատանքային է

Ընդհանուր նկարագիր

Դասընթացը նվիրված է արտակարգ իրավիճակներում առաջին բուժօգնության հիմնական սկզբունքներին, տուժածի առաջնային գնահատմանը, կյանքի համար վտանգավոր վիճակների ճանաչմանը և արագ արձագանքման հմտությունների ձևավորմանը։

Ծրագիրը ներառում է ինչպես տեսական, այնպես էլ գործնական հատվածներ՝ արյունահոսությունների վերահսկում, շնչառական ուղիների անցանելիության ապահովում, այրվածքների և վնասվածքների դեպքում օգնություն, ինչպես նաև տրանսպորտային անշարժացում և տուժածի տեղափոխում։

Ընդհանուր ծանրաբեռնվածությունը՝ 9 դաս, մոտ 10 ակադեմիական ժամ (ընդմիջումները չհաշված)։

Դասընթացի նպատակները

• սովորեցնել գնահատել տուժածի վիճակը և արագ կողմնորոշվել արտակարգ իրավիճակներում,
• ձևավորել առաջին բուժօգնության հիմնական գործնական հմտություններ,
• ուսուցանել արյունահոսությունների, շնչառական խանգարումների, այրվածքների, թունավորումների և վնասվածքների ժամանակ օգնության հաջորդականությունը,
• զարգացնել անվտանգ տեղափոխման, տարհանման և տրանսպորտային անշարժացման կարողությունները։

Սպասվող արդյունքները

• կողմնորոշվել արտակարգ իրավիճակում և գնահատել տուժածի վիճակը,
• ճանաչել կյանքին վտանգ սպառնացող հիմնական ախտանշանները,
• կատարել արյունահոսության ժամանակավոր դադարեցում,
• ապահովել շնչառական ուղիների անցանելիություն և իրականացնել նախնական վերակենդանացման քայլեր,
• կիրառել տրանսպորտային անշարժացում և կազմակերպել անվտանգ տեղափոխում։

2026թ.-ից կրկնողաբար, ք. Երևան, ՀՀ մարզեր և առցանց («Զում» հարթակ) «ՄԵԴՊՐՈՖ» ՍՊԸ • Թիրախային լսարան՝ ավագ և միջին բուժաշխատողներ • Մասնակիցների ակնկալվող թվաքանակ՝ մինչև 50 հոգի • մասնակիցներին շնորհել ՇՄԶ 6 տեսական և 6 գործնական տեսական կրեդիտ. դասավանդողներ Արմեն Գյուլբեկյանին՝ ՇՄԶ 6 տեսական և 6 գործնական կրեդիտ, Մարտուն Ավագյանին՝ ՇՄԶ 6 գործնական կրեդիտ • Կոնտակտ 033366088 – Մանրամասներ